FELIZ DÍA DO LIBRO! 

  

Dende a Biblioteca da ESCRBCG queremos felicitarvos este día e animarvos a celebralo pasándovos pola biblioteca para consultar/levar prestado algún libro do voso interese. Así mesmo, podedes consultar no noso catálogo se contamos con ese libro que poida axudarvos con algún dos traballos cos que seguro que andaredes enredados a estas alturas do curso!     

  

Tamén vos deixamos este poema que comparten dende Bibliotecas Escolares de Galicia para celebrar este día!    

NOVOS HORARIOS DE BIBLIOTECA PARA AS TARDES. XANEIRO A MAIO 2019

NOVA QUENDA DE VOLUNTARIOS PARA A BIBLIOTECA

Despois do éxito de participación por parte do alumnado no curso pasado para formar parte do programa "Bibliotecas Escolares Solidarias", volvemos a convocarvos e animámosvos a participar. 

Os alumnos interesados formarán parte do equipo de voluntariado que atende a biblioteca en horario de tardes, encargándose dos servizos de préstamo e devolución, así como de ir revisando que se mantén a orde dos libros nos estantes.  Ademais, a vosa participación quedará reflectida nun certificado expedido pola Dirección Xeral de Xuventude, Participación e Voluntariado da Consellería de Política Social, onde figurará o número de horas realizadas como voluntarios (recoñécense un mínimo de 15h e un máximo de 30h).

Aqueles que queirades ser voluntarios, debedes cubrir un modelo de adquisición do compromiso(anexo IV da convocatoria), no que especificaredes o número de horas que queres facer. Está dispoñible en conserxería dende onte e ata o día 14 de Decembro. 

Podedes consultar as bases da convocatoria aquí, ou se tedes calquera tipo de dúbida, preguntar a Sonia.  

Animádevos! Tanto para novos voluntarios como para aqueles que xa participaron e queiran repetir!

Dende a coordinación da biblioteca, aproveitamos para agradecer a participación dos voluntarios da anterior convocatoria.

 

A ESCRBBCCG contará un ano máis coas axudas do PLAMBE

O pasado curso 2017-18 a Escola Superior de Conservación e Restauración de Bens Culturais de Galicia foi seleccionada para participar no PLAMBE de Bibliotecas Escolares. Coa axuda recibida realizáronse melloras coma a ampliación do espazo de lectura, a creación dunha zona informal de lectura, a dotación da sala de alumnos con ordenadores e escáner e unha ampla adquisición de fondos.

Este curso 2018-19 a Escola participará novamente no PLAMBE. Agardamos as vosas propostas para seguir mellorando a biblioteca!

Podedes descargar aquí o arquivo coa Resolución.

 A Escola Superior de Conservación e Restauración de Bens Culturais é beneficiaria neste curso 2017-18 do PLAMBE. 

Xa hai moitas melloras implantadas: un notable aumento dos fondos,  nova zona de lectura, novo aula de recursos, horario ampliado e voluntariado de alumnos.

Pero aind👇

Pero aínda podemos millorala máis. Agardamos as túas propostas!

PLAMBE

 A Escola Superior de Conservación e Restauración de Bens Culturais é beneficiaria neste curso 2017-18 do PLAMBE. Esto supón que imos ter unha axuda para facer melloras na biblioteca e no seu servizo.

Para que estas melloras se axeiten ás necesidades dos usuarios precisamos a túa axuda: propón melloras a través do correo escrbbcc@gmail.com

Aviso de verán

Durante os meses de xuño e xullo o horario da biblioteca

non será uniforme. A biblioteca abrirá ocasionalmente,

a petición dos alumnos interesados.

Pode solicitarse a apertura no correo electrónico arizaga@edu.xunta.es,

a calquera profesor presente no piso superior

(especialmente no despacho 3.1) ou, en último caso, en conserxería.

Neste último caso os préstamos deberán anotarse (e devolverse)

en conserxería.

Rogamos asimesmo que se devolvan antes das vacacións de Agosto os libros emprestados, salvo autorización expresa.